Түркі мемлекеттері ұйымы бас хатшысының орынбасары Өмер Коджаман ұйым атынан байқаушы болған миссия Қазақстандағы сайлау ашық және бәсекелі болғанын растайтынын мәлімдеді.
«Сайлау күнінде Түркі мемлекеттері ұйымының миссиясы Астанадағы сайлау учаскесінің ашылуында болды. Бюллетеньдер мен нәтижелерін өңдеу сайлау туралы ұлттық заңнамаға сай өтті. Біздің миссия өкілдері жалпы 16 сайлау учаскесіне барды. Біздің миссия ешқандай заңсыздық немесе әкімшілік және құқық қорғау органдарының сайлау учаскелерінің қызметіне килігуін байқаған жоқ. Сайлау күнінде адамдардың өз еркін білдіруіне қажетті бүкіл әкімшілік шаралар қабылданды. Сайлау туралы заңға сәйкес, ұлттық және халықаралық байқаушылардың сайлауды бейтарап бақылауына жағдай жасалды. Миссия ұлттық және халықаралық ұйымдардың қатысқанын және сайлаудың легитимділігін, ашықтығын қолдайтынын көрді. Сондай-ақ, миссия Астанадағы №111 сайлау учаскесінде дауыс санау процесіне қатысты. Бюллетеньдерді санау, қорытындысын жариялау уақытылы, сайлау туралы ұлттық заңнамаға сәйкес өтті», – деді Өмер Коджаман.Миссия сайлауға әсер ететін техникалық немесе принципиалдық проблемалар байқамаған.
«Миссия сайлау учаскелерінің ішінде немесе сыртында үгіт-насихат материалдарын көрген жоқ. Сайлау учаскелерінде мүгедектігі бар адамдарға жағдай жасалғанын көрді. Миссия дауыс берушілерге сырттан әсер етуге бағытталған ешқандай талпыныстар көрген жоқ. Бүкіл дауыс берушілер сайлау учаскелеріне еркін кіре алды және ресми тұлғалар толыққанды мәлімет беріп тұрды. Дауыс берушілердің қатысу көрсеткіші жоғары болды. Сондай-ақ, сайлау процесінен ел бойынша БАҚ-та ақпарат берілуі де сайлаудың легитимділігі мен ашықтығының маңызды элементі болып есептеледі. ТМҰ миссиясының халықаралық байқауы ҚР президентін кезектен тыс сайлауы Қазақстан Республикасының ұлттық заңнамасына сәйкес, халықаралық стандарттарға сай, ашық және бәсекелі болғанын растайды. Миссия өз бағалауы мен ұсынымдарын халықаралық ұйымдармен бөліседі», – деді Өмер Коджаман.