Қазақстан Парламенті Сенатының депутаты Нұрлан Бекенов Түркі мемлекеттері Парламенттік Ассамблеясының Қоршаған орта, табиғи ресурстар және денсаулық сақтау жөніндегі комиссиясының отырысына қатысты.
Онда «ТүркПА-ға мүше елдердегі биоалуантүрлілікті қорғау» отырыстың басты тақырыбы болды. Сенатор комиссия қызметінің қорытындылары мен осы тақырыптағы баяндаманы басқа елдердің парламентшілерімен бірге талқылады.
Кездесуге қатысушылар биоалуантүрлілікті қорғау саласын заңнамалық қамтамасыз ету мен халықаралық өзара іс-қимыл қажеттігін, сондай-ақ осы саладағы ағымдағы ахуал мен проблемалар туралы халықты хабардар ету үшін парламенттік қызметтің маңыздылығын атап өтті.