Таңертең Жаңаөзенде жарылыс болып, екі қабатты үйдің кіреберісі қирады. Бұл туралы Aikyn.kz Төтенше жағдайлар министрлігіне сілтеме жасап хабарлайды.
Бүгін таңғы сағат 05.00 шамасында (Астана уақытымен – ред.) Жаңаөзен қаласындағы 2-шағынауданда жарылыс болды. Екі кіреберістен тұратын 12 пәтерлі 2 қабатты тұрғын үйде алдын ала болжам бойынша газ жарылды. Салдарынан 150 шаршы метр кіреберіс қираған.
Апатқа байланысты Маңғыстау облысының ТЖД жедел штаб құрылып, жедел желі телефоны ашылды 8/7292/31-90-99.
Жарылыстың себебін оқиға орнына шұғыл жеткен мамандар анықтап жатыр.