Астанада көпқабатты үйлердің бірінде өрт шығып, өрт сөндірушілер пәтерде болған жас жігіт құтқарып алды.
«Бүгін сағат 15.55-те Астана қаласы ТЖД өрт сөндіру бөлімшелері Байтұрсынов көшесінде пәтер өртеніп жатқаны туралы келіп түскен хабарламаға шықты. 6 минуттан кейін шақыру орнына кезекші қарауыл келді. Онда 30 шаршы метр аумақта үй жиһаздары, заттар жанып жатқаны анықталды. Өрт сөндірушілердің күшімен өрт сағат 16.28-де оқшауланып, 16.44-те сөндірілді. Өртті сөндіру барысында елордалық өрт сөндірушілер жанып жатқан пәтерден 1996 жылғы пәтер иесі – ер адамды құтқарды. Өртті сөндіруге Астана қаласы ТЖД жеке құрамының 22 адамы және 4 техникасы жұмылдырылды», - делінген хабарламада.