Париж Олимпиадасының күміс жүлдегері Демеу Жадыраевтың бала кезде түсірілген видеосы тарады, – деп жазды Aikyn.kz.
Бейнежазбадан Бішкектегі турнирге қатысқан спортшының күресіп жатқан сәтін көруге болады. Видеоны қырғызстандық спорт журналисі Instagram-дағы парақшасында жариялады.
"2001 жыл. Республикалық олимпиадалық резерв колледжінің 30 жылдығына арналған Бішкекте өткен турнир. Сенсеңіз де, сенбесеңіз де, кілемде күресіп жатқан Париждегі Олимпиада ойындарының күміс жүлдегері, қазақстандық Демеу Жадыраев", – деп жазды журналист.
Желі қолданушылары спортшыға қолдау білдірді.
"Чемпиондар осылай шынығады", "Спорттағы қанша жылғы еңбек", "Шұлықпен күрескен кездер-ай" деп жазды оқырмандар.
Айта кетейік, Демеу Жадыраев Париж Олимпиадасында 77 кг салмақ дәрежесінде сынға түсіп, күміс жүлдегер атанды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.