23-27 қыркүйек аралығында Грузияның Батуми қаласында өткізілген «Batumi International Puppet Theatre Festival – 2024» II халықаралық қуыршақ театрлар фестиваліне қатысты. Онда алматылық өнер ұжымы Уильям Шекспирдің пьесасы сарынымен сахналанған «Макбет. Иллюзия» қойылымын көрсетіп, «Үздік режиссер» номинациясын қойылым режиссері Дина Жұмабаева иеленді.
Бұл қуыршақ театрлар фестивалінде Қазақстаннан тыс Италия, Испания, Бразилия, Франция, Польша, Гүржістан мемлекеттерінің танымал театр ұжымдары бақ сынап, көрермен назарына қойылымдарын ұсынды.
Ерекше ықыласқа ие болған Алматы Мемлекеттік қуыршақ театры 2024 жылдың 28 қыркүйек-2 қазан күндері аралығында Батуми, Кутаиси, Ахалцихе, Боржоми, Тбилиси қалаларында гастрольдік іссапар өткізіп, қазақ қуыршақ өнерін дәріптеп жатыр.
Айта кетейік, 18-22 қазанда театр ұжымы Гродно қаласында өткен IV «Лялькі над Нёманом» қуыршақ театрлары халықаралық фестиваліне «Қаздар мен аққулар» (режиссері – Антон Зайцев) ертегісімен қатысып, «Арнайы дипломға» ие болған еді.