Бұқар жырау ауданында бес жасар бала төрт сағаттан кейін табылды, – деп хабарлайды Aikyn.kz.
Қарағанды облысы ПД хабарлауынша, оқиға 3 қазан күні Петровка ауылында, кешкі сағат 20:00-де болған. Анасының айтуынша, бала аулада ойнап жүріп кенеттен жоғалып кеткен.
Іздеуге полиция қызметкерлері, ТЖ қызметкерлері, еріктілер, жергілікті тұрғындар, жергілікті атқарушы билік органдарының өкілдері мен кинологтар тартылды. Жалпы 400-ден астам адам қатысты.
"Іздеу жұмыстары төрт сағаттан астам уақытқа созылды. Түн ортасында баланы Петровка ауылынан бір шақырымнан астам жерден тапқан. Бала аман-есен", – делінген хабарламада.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.