2021 жылы «Тәлім ТВ» деп аталатын жаңа телеарна өз жұмысын бастайды. Орталық коммуникациялар қызметінде өткен брифингте "Асыл арна" телеарнасының бас директоры Мұхаметжан Тазабеков осылай деп мәлімдеді. Ол «Асыл арнаның» жұмысы ары қарай қалай жалғасатынын жеткізді.
«Біз «Асыл арнаның» көрермендерін жетімсіретіп қалдыра алмаймыз, сол себепті «Тәлім ТВ» деген жаңа телеарнаның тұсауы кесіледі. 2021 жылдан бастап «Тәлім ТВ» өз жұмысын бастайды. «Асыл арнаның» діни контенттерінің барлығы «Халын арнасына» өтіп, «Асыл арнаның» орнына «Тәлім тв» дейтін жаңа арна ашылады», – деді ол.