Былтыр Түркістанда өткен Ұлттық құрылтайда Президент Қасым-Жомарт Тоқаев вейп және түрлі электронды темекілердің ұлт саулығына қатер төндіретін кесел екенін алға тартқан еді.

«Денсаулыққа қауіпті» деген ескертуге қарамастан, елімізде шылым шегушілер қатары жыл сайын көбейіп келеді.

Ағылшын ғалымдары вейп қауіпсіз деген жалған пікірді теріске шығарып, электронды темекінің зиянды екенін дәлелдеді. Вейп иммунитетке жойқын соққы береді. Электронды темекі буы нейтрофилдерді тоқтатып, ағзаның инфекциямен күресу қабілетін жояды.

Оқу-ағарту вице-министрі Еділ Оспан электронды шылымды, вейптерді жастарға сатуға, жасөспірімдер арасында таратуға қатысты қатаң заңнамалық шектеудің болмауы ұрпақ тағдырына балта шауып жатқанын атап өтті.

Тәркіленген тауардың құны 2,4 млрд теңгені құрайды.