Алматыда 13 қаңтарда түнгі уақытта қар жауып, күндіз қалың қарға ұласуы мүмкін, - деп хабарлайды "Қазгидромет" РМК.
Осыған байланысты синоптиктер ескерту жариялады.
"Коммуналдық қызметтердің қар тазалау жұмыстарын дер кезінде әрі сапалы атқаруы үшін автокөлік жүргізушілерден қалада көлік қозғалысын барынша азайтуды, жеке көліктерін жол жиектеріне қоймауды, бұл іске түсіністікпен қарауды сұраймыз. Қар тазалауға кедергі жасайтын көліктердің эвакуатормен басқа орындарға жіберілетінін ескертеміз.
Көлікпен жүру өте қажет болса, онда жүргізушілерді жылдамдықты азайтуға, автомобильдер арасындағы қашықтықты ұлғайтпауға және кенеттен маневр жасамауға, жол-көлік апатын болдырмауға шақырамыз", - делінген хабарламада.
