Ауыл шаруашылығы министрінің бұйрығымен Марат Аблахатұлы Оразаев Ауыл шаруашылығы министрлігі аппаратының басшысы қызметіне тағайындалды. Бұл туралы Премьер-Министрдің баспасөз қызметі хабарлайды.
Марат Оразаев 1967 жылы Шығыс Қазақстан облысында туған. Алматы халық шаруашылығы институтын «инженер-экономист» мамандығы бойынша бітірген.
Еңбек жолын 1991 жылы Қазақ экономика және агроөнеркәсіптік кешенді ұйымдастыру ҒЗИ-да экономист болып бастаған.
1993 жылдан 1999 жыл аралығында Қазақстан Республикасы Қаржы министрлігінің құрылымында түрлі қызметтер атқарды.
1999 жылдан 2008 жыл аралығында — АШМ Қаржы департаменті директорының орынбасары, Бюджет департаментінің, Қаржылық қамтамасыз ету департаментінің директоры.
2008-2011 жж. — Ауыл шаруашылығы вице-министрі.
2011-2013 жж. —Президент Іс басқарушысының орынбасары, инспекторы.
2013-2015 ж. — Парламенттің Шаруашылық басқармасы басшысының орынбасары.
2015 жылдан 2019 жыл аралығында «Астана ЭКСПО-2017» Ұлттық компаниясы» АҚ Экономика және бюджеттік жоспарлау департаментінің директоры болып жұмыс істеді.
2019 жылдан 2021 жыл аралығында АШМ жауапты хатшысы қызметін атқарды.
