Мұқтаж жандарға көмек көрсету алматылық нұротандықтардың басты назарында. Биыл қаланың мемлекеттік мекемелерінің басшылары азаматтарды қабылдауды қайта бастады. Бұған дейін ол Парламент Мәжілісі мен барлық деңгейдегі мәслихаттар сайлауының өткізілуіне байланысты тоқтатылған болатын. 13 қаңтардан бастап партияның қоғамдық қабылдау бөлмелерінің жұмысына қалалық әкімдіктің түрлі басқармалары мен департаменттерінің өкілдері қатысты. «Nur Otan» партиясының Алматы қалалық филиалында жалпы саны 35 мыңнан астам өтініш қабылданды.
Энергия тиімділігі және инфрақұрылымдық даму басқармасының басшысы Айдар Беркімбаевпен кездесуде алматылықтар Forumplus және «Тау Хаус» ТК техникалық қолайсыздығына наразылық білдірді. Өз кезегінде Көкқайнар және Рахат шағынаудандарының тұрғындары сумен жабдықтаудың жоқтығына және электрмен жабдықтау сапасының төмендігіне шағымданды. Осыған ұқсас мәселелер Павлодар облысы Жетісу ауданы шағынауданында бар. Наурызбай ауданы Таусамалы ауылындағы «Алматы жылу желілері» ЖШС-нің әрекетсіздігін Медеу ауданының тұрғындары атап өтті. Олардың айтуынша, үйлер тиісті түрде жылытылмайды, осыған байланысты электр аспаптарын қосу арқылы тұрғын үй-жайларды қосымша жылытуы керек. Тиісінше, тұрғындар жылыту қызметтерінің толық құнын, сонымен қатар электр энергиясын төлеу арқылы қосымша шығынды көтерді. Бұл ретте ұжымдық наразылықты тыңдаған басқарма басшысы жақын арада аталған факті бойынша қызметтік тексеру тағайындалатынын хабарлады. Ал Қоғамдық денсаулық сақтау басқармасы басшысының орынбасары міндетін атқарушы Ләйлә Иманғалиеваның қабылдауында болған 70 жастағы зейнеткер Әшіркүл Қошмағанбетова басындағы жағдайын айтып, көмек сұрады. – Менің тағдырым осылай болып қалды, жалғыз тұрамын, көмек күтетін ешкімім жоқ. Дәрігердің қабылдауына бара алмаймын, маған тұрақты тіркелім жоқ деп айтады, бірақ Алматыда бұрыннан тұрамын. Өздеріңіз білетіндей, менің жасымда адамның өзін-өзі емдеуі дұрыс емес, – дейді зейнеткер. Нәтижесінде, «Nur Otan» партиясының қалалық филиалының қолдауымен зейнеткер №2 қалалық емханаға тіркелді. Қабылдау кезінде алматылықтарды толғандыратын тақырыптар медициналық-әлеуметтік сараптама жүргізу тәртібі, сондай-ақ зейнетақы жинақтарын мақсатты пайдалану мәселелері сөз болды. Мемлекеттік органдардың өкілдері барлығы 25 өтініш бойынша түсініктеме берді.Әбілмансұр ЖАСАН