Жамбыл облысы Жамбыл ауданына қарасты Шайқорық елді мекенінде газ жарылып, екі адамды күйік шалды.
Оқиға 23 қаңтар күні түскі сағат 16:20 шамасында орын алған. Жамбыл облысы ТЖД дағдарыстық жағдайлар басқармасына Жамбыл ауданындағы Шайқорық ауылында жеке үйдің дәлізінде тұрған 3 литрлік газ баллонының жарылғаны туралы хабарлама келіп түскен. Жарылыстан дәліздің қабырғасында жарықтар пайда болып, кіреберіс есік қираған. Үй иесінің 3 және 13 жасар баласын күйік шалып, ауруханаға жеткізілген.
Оқиға орнына ТЖД-дан 11 қызметкер, жедел жәрдем бригадасы мен 4 полиция маманы жетіп, жарақат алғандарға дер кезінде көмек көрсетуінің арқасында адамдар аман қалып отыр.
