Нұр-Сұлтан қаласында қоғамдық көлік ақысын төлемеген жолаушылар жазаға тартылды.
"2020 жылдың қорытындысы бойынша КБД қызметкерлері жол жүру ақысын төлеуден жалтарудың 207 мыңнан астам фактісін анықтады. Оның ішінде 3 мыңға жуық азамат жалпы сомасы 16 млн теңгеден астам әкімшілік жауапкершілікке тартылды",– делінген CTS (City Transportation Systems) ЖШС-нің әлеуметтік парақшасында.
Көліктік бақылау департаментінің қызметкерлері қоғамдық көлікте жол ақысын төлемейтіндерге күн сайын рейд жүргізеді.
