Әуежайда сәлемдемелерді заңсыз тасымалдау жолаушылардың өмірі мен денсаулығына, ұшу қауіпсіздігіне қатер төндіруі мүмкін.
Air Astana әуекомпаниясы, Алматы халықаралық әуежайы және Нұрсұлтан Назарбаев Халықаралық әуежайы соңғы кезде жолаушылар арқылы сәлемдемелерді жіберумен айналысатын адамдардың қызметі белсенді болып кеткені туралы хабарлайды.
Осыған орай, жолаушылардан әуежайларда бейтаныс адамдардан сәлемдемелерді қабылдамауды сұраймыз. Өйткені бұл жолаушылардың өміріне және денсаулығына, ұшу қауіпсіздігіне қатер төндіруі ықтимал. Алматы мен Нұр-Сұлтан әуежайында бөгде кісілер сәлемдемелерді тасымалдаудан пайда табуды ұсынады. Мұндай сәлемдемелер әдетте жақсы жапсырылған және ішіндегісін тексеру мүмкін емес. Мұндай жағдайды лаңкестік ұйымдар пайдалануы мүмкін.
Бөгде адамдардың құжаттар мен жолжүкті жөнелту бойынша қызмет заңсыз болып есептеледі, себебі мұнда ӘҚБК 463-бабы бойынша әкімшілік құқықбұзушылықтың белгілері байқалады, яғни тіркеусіз/рұқсатсыз кәсіпкерлік немесе өзге қызметпен айналысу.
Сондай-ақ «Қазақстан Республикасының әуекеңістігін пайдалану және авиация қызметі туралы» ҚР заңының 105-бабына cәйкес азаматтық авиация қызметіне заңсыз араласу әрекетінің бірі қылмыстық мақсаттарға арналған қаруды, қауіпті құрылғыны немесе материалды ұшақ бортында немесе әуежайда орналастыру.
Жолаушылардан қырағы болуды сұраймыз және тасымалданатын сәлемдеме үшін олар өздері жауап беретінін ескеру керек және сол сәлемдемелерде тасымалдауға тыйым салынған заттар, қадалғыш, тілгіші, жарылғыш және басқа да заттар болуы мүмкін.
Сәлемдемелерді Қазақстан, Қырғыз Республикасы және Ресей бойынша қауіпсіз тасымалдау үшін әуежайларда орналасқан әуекомпания кеңселерінде жедел-пошта қызметін пайдаланыңыздар.
Тасымалдауға қабылданатын заттар:
– 3 келіге дейін дәрі-дәрмектер және медициналық бұйымдар;
– 5 келіге дейін автобөлшектер;
– 5 келіге дейін киім, аяқкиім және тыйым салынбаған өзге заттар;
– 3 келіге дейін жазбаша корреспонденция және сәлемдемелер;
– құжаттар.
Толығырақ https://airastana.com/kaz/kk-kz/Qyzmetterimiz/Juk-tasymaly/Jedel-poshta-qyzmeti
