Түркістан облысы бойынша «Jas Otan» Жастар қанатының өкілдері өзге облыстардағы әріптестерінің эстафетасын қабыл алып, тұрғындарға көмектесуді бастап кетті.
Белсенді жастар «Nur Otan» партиясының «Ардагерлерді ардақтайық» акциясы аясында көмекке мұқтаж отбасылардың, соғыс ардагерлері мен зейнеткерлердің үйінің ауласын қардан тазалап берді. Солардың бірі – зейнеткер, ІІ топ мүгедегі Мәдіқұл ақсақал жастарға ризашылығын білдіріп, батасын берді. Семей полигоны зардабын жоюға қатысқан ардагер Әлихан Тәжібеков ақсақал да жастардың қайырымды ісіне ризашылығын білдірді. Түркістандық жастар сонымен қатар қала көшелерін қардан тазалаумен айналысып жүрген мекеменің жұмысшыларына және қала тұрғындарына ыстық шай мен тәттілер ұсынып, қар күреуге көмектесті. – Бұл мақтанып айтатын үлкен іс емес, біз осы әрекетіміз арқылы қоғамға ізгілік нұрын сепкіміз келеді, – дейді түркістандық жасотандықтар.Әбілмансұр ЖАСАН