Шығыс Қазақстан облысы ақпарат орталығының хабарлауынша, Ұлан ауданында ет консервілерін өндіретін зауыт салынады.
Ақпаратқа сәйкес, қазір ауданда Өскемен құс фабрикасының үш объектісі салынып жатыр. Ет және ет өнімдерін өндіру бойынша үлкен кластер құру жоспарланған. Герасимовка ауыл шаруашылығы базасында 5 мың басқа арналған бордақылау алаңының, ет консервілерін өндіру зауытының құрылысы басталған. Жобаның жалпы құны – 700 млн теңге. Құрылыс жабдықтарын жеткізу үшін Ресеймен келісімге келген екен. Жоспар бойынша биыл сәуір-мамыр айларында ішкі құрылыс жұмыстары аяқталады. Нәтижесінде, кәсіпорын күніне 25 тоннаға дейін ет, 8 мың данаға дейін консерві шығармақ. Кейін өнімдерді Ресей мен Қытайға эскпорттау қолға алынады.А.ЖОЛДАС