Сәуір айында Қызылорда қаласында мәнерлеп сырғанаудан белгілі спортшы Элизабет Тұрсынбаеваның жүлдесіне арналған республикалық турнир өтеді.
Жақында Қызылорда облыстық коньки спорты федерациясының кезектен тыс отырысында аталған турнир жайында мәселе көтерілді. Жиынға қатысқан Элизабеттің әкесі Байтақ Тұрсынбаев та бұл шешімді мақұлдады. Иә, Элизабет Тұрсынбаева 2000 жылы Мәскеуде дүниеге келген. Ал әкесі Байтақ Тұрсынбаев Қызылорда облысының тумасы болғандықтан, қызы ел ішіндегі жарыста Сыр өңірінің атынан шығады. Сондықтан мәнерлеп сырғанау спортында жүрген жасөспірімдер үшін аталған турнир үлкен мүмкіндік сыйлайды. Элизабет Тұрсынбаева спорттық мансабында 2012-2013 жылдары Этери Тутберидзеден тәлім алған. Одан кейін Канада тумасы, белгілі жаттықтырушы Брайан Орсерден мәнерлеп сырғанаудың қыр-сырын үйренді. Ал 2020 жылы ресейлік маманның командасына қайта оралды.Айбике ЖАНАСЫЛ