Дир-Вэллиде (АҚШ) фристайл-могулдан FIS Open халықаралық турнирі өтіп жатыр. Қазақстан құрамасы аталған жарыста алғашқы алтынына қол жеткізді.
Қазақстандық могулшы Юлия Галышева әйелдер арасында үздік атанды. АҚШ өкілі Авиталь Кэрол екінші болса, оның отандасы Элизабет Лэми үздік үштікті қорытындылады. Қазақстан құрамасының өкілі Аяулым Әмренова 15-ші, Анастасия Городко 41-орындардан көрінді. Ал ерлер арасындағы бәсекеде АҚШ спортшылары жүлдені өзара бөлісті. Джоэл Хедрик көш бастаса, Коул Макдональд күміске, Алекс Льюис қола медальге қол жеткізді. Қазақстандық Павел Колмаков жетінші, Сергей Романов 15-ші және Антон Бонжарев 20-орындарға тұрақтады.Исмаил ҚУАНЫШ