«Nur Otan» партиясы Шығыс Қазақстан облыстық филиалының қоғамдық қабылдау бөлмесінде Шығыс Қазақстан облысы Өскемен қаласындағы Халықаралық құқық қорғау орталығының ресми өкілі, заңгер-кәсіби (сот) медиатор Серік Құсайынов азаматтарды қабылдады. Қабылдауға келген азаматтар өтініш-тілектерін жеткізіп, ұсыныстарын ортаға салды.
Қабылдау кезінде кез келген даулы мәселені сотқа жеткізбей, медиаторларға жүгіну арқылы шешіп, бітімгерлікке қол жеткізуге болатыны да айтылды. Мәселелері оңынан шешілген тұрғындар қабылдау иесіне алғысын білдірді. Еске салар болсақ, таяуда ғана «Альтернатива» медиация және құқық орталығының кәсіби медиаторы Шолпан Шалғазинаға еңбек дауы бойынша 2 өтініш түскен болатын. Нәтижесінде, екі өтініш те оң шешімін тапты. Бірінші өтініш қызмет көрсету шартына байланысты тапсырыс беруші орындаушыға орындалған жұмыс актісі бойынша 120 000 теңге төледі. Екіншісі, қызметкердің пайдаланылмаған демалысы бойынша өтемақыны төлеу туралы өтініші қараусыз қалды. Өйткені бұрынғы қызметкер барлық төлемді толық көлемде алды. Айта кетейік, «Nur Otan» партиясы Шығыс Қазақстан облыстық филиалының қоғамдық қабылдауында медиаторлардың қабылдаулары әр дүйсенбі сайын сағат 10.00-ден 12.00-ге дейін жүргізіледі.Әбілмансұр ЖАСАН