Алайда операция сәтсіз аяқталған.
Бір күнде бірден екі операция жүргізу Сулеймани өлтіру – Америка қарулы күштерінің кең ауқымды әрекеттерінің бір бөлігі ғана екенін білдіруі мүмкін.
«АҚШ-тың ирандық генералы Касем Сулеймани қайтыс болған күні Йемендегі тағы бір жоғары лауазымды Иран командирін жоюға тырысты», – деп хабарлайды РИА Новости.
Washington Post басылымының ақпараты бойынша, Құрама Штаттар Сулеймани басқарған Ислам революциясы күзеті корпусының жетекші командирлерінің бірі Абдул Реза Шахлайға қарсы жеке сәтсіз операция жүргізді.
«Бір күні бірден екі операция жүргізу Сулеймани өлтіру – американдық қарулы күштердің кең ауқымды іс-қимылдарының бір бөлігі ғана екенін білдіруі мүмкін», – делінген мақалада.
Ресми тұлғалар тілшілерге Шахлайға қарсы операцияның мән-жайын хабарлаудан бас тартып, операцияның сәтсіз аяқталғанын ғана жеткізген. Шенеуніктердің бірінің айтуынша, америкалық билік бір уақытта екі операцияның табысты болғанын жарияламақ болған.
Жұма күні АҚШ-тың Бағдад әуежайының маңында операция жасалып, нәтижесінде Иран генерал Касем Сүлеймени мен Ирак шиит жасағы басшысының орынбасары Абу Махди әл-Мухандис қаза тапты.
Ирактың СІМ орын алған жағдайды ел егемендігінің бұзылуы деп атады. Ирак парламенті америкалық контингентті елден шығаруға дауыс берді, алайда АҚШ президенті Дональд Трамп Бағдад әскерлерді шығаруды талап етсе, санкциялар салатынын айтып қорқытты.
Тегеран Сулеймани өлімін қылмыс деп атады және жауап беруге уәде берді. Атап айтқанда, Иран америкалық әскери қызметшілер тіркелген Ирак базаларына соққы жасады. Зардап шеккендер болған жоқ.
Ресей СІМ басшысы Сергей Лавров АҚШ Мемлекеттік хатшысы Майк Помпеомен болған әңгімеде Сулеймани өлтіру әрекеттерін халықаралық құқықты бұзу деп атады.
