Жаңатас қаласында бес баласынан айырылған отбасыға демеушілер есебінен үш бөлмелі пәтер берілді.
Бұдан бөлек, Мемлекет басшысы Қасым-Жомарт Тоқаевтың тапсырмасына орай қара жамылып отырған жанұяға Жамбыл облысы әкімдігі тарапынан жан-жақты қолдау көрсетілсе, жергілікті билік балаларды жерлеу рәсімін толықтай мойнына алған. Сарысу ауданының кәсіпкерлері болса, отбасына берілген үш бөлмелі үйді қажетті жиһазбен жабдықтап беріп отыр.
Игі істен қоғамдық ұйымдар мен демеушілер де шет қалмай, бүгінгі күнге дейін 3 миллион теңге жинап, отбасына тапсырды. Ал мемлекеттік қызметкерлер бір күндік жалақысын көмек ретінде жолдайтын болып шешілді.
