«Қазгидрометтің» болжамынша, батыста жаңбыр мен қар жауады. Өңірлерде тұман, көктайғақ болып, жел күшейеді. Солтүстік-батыс, орталықта жаяу бұрқасын соғады.
Қызылорда, Маңғыстау облысында тұман, найзағай, 15-20 м/с жел соғады. Батыс Қазақстан, Ақтөбе облысында тұман, көктайғақ, 15-20 м/с жел болады. Атырау облысының басым бөлігінде түнде желдің екпіні 23 м/с, күндіз 15-20 м/с-қа күшейеді.
Солтүстік Қазақстан, Қостанай облысында тұман, көктайғақ, 15-20 м/с жел соғады. Қостанай облысында жаяу бұрқасын болуы ықтимал.
Ақмола, Павлодар облысында тұман, көктайғақ күтіледі.
Алматы, Жамбыл, Шығыс Қазақстан облысында тұман, 15-20 м/с жылдамдықпен жел соғады.
Жамбыл, Алматы облыстарында желдің екпіні 23-28 м/с-қа артады.
Қарағанды облысының кей жерлерінде тұман, күндіз – көктайғақ, жаяу бұрқасын, 15-20 м/с жылдамдықпен жел соғады.
Түркістан облысында желдің екпіні күндіз 25 м/с артуы ықтимал, найзағай күтіледі.
