Елімізде 11 облыс аумағында қолайсыз ауа райына байланысты ескерту жарияланды.
Түркістан облысының кей жерлерінде нөсер жаңбыр жаууы мүмкін. Кей жерлерде найзағай, оңтүстік-батыстан соғатын желдің күші 15-20, екпіні 23-28 м/с-қа жетеді.
Шымкентте ертең түнде және таңертең қатты жаңбыр жаууы мүмкін, кей уақытта найзағай жарқылдайды. Оңтүстік-батыстан жел соғады, екпіні 15-20 м/с-қа жетеді.
Қарағанды облысының оңтүстігінде қатты жауын-шашын (жаңбыр, қар) түсуі мүмкін. 26-27 наурызда кей жерлерде тұман түсіп, көктайғақ болады, жаяу бұрқасын соғуы ықтимал.
Жезқазғанда ертең көктайғақ болады, жаяу бұрқасын соғуы ықтимал. Солтүстік-шығыстан, шығыстан жел соғады, екпіні 15 м/с-қа жетеді.
Қостанай облысының кей жерлерінде тұман түсіп, көктайғақ болады, жаяу бұрқасын соғуы ықтимал. Шығыстан жел соғады, кей жерлерде күші 15-20 м/с-қа жетеді.
Атырау облысының кей жерлерінде тұман түседі. Күндіз батыстан соғатын жел кей жерлерде 15-20 м/с күшейеді.
Ақтөбе облысының кей жерлерінде көктайғақ болады, жаяу бұрқасын соғады, таңертең кей жерлерде тұман түсуі мүмкін.
Қызылорда облысының кей жерлерінде найзағай жарқылдайды. Кей жерлерде тұман түсуі мүмкін.
