Шаңғы жарысынан әйелдер және ерлер арасындағы Қазақстан кубогінің жеңімпаздары анықталды.
Щучинскте шаңғы жарысынан Қазақстан кубогі өтіп жатыр. 26 наурыз күні әйелдер және ерлер арасындағы жекелей сындар аяқталды. Жарыс қорытындысы бойынша, Анна Шевченко Қазақстан кубогін жеңіп алды. Валерия Тюленова екінші орын алса, Ксения Шалыгина үздік үштікке кірді. Ал ерлер арасында Виталий Пухкало шашасына шаң жұқтырмады. Евгений Величко мен Олжас Климан екінші-үшінші орынды өзара бөлісті. Шаңғышылар классикалық жүріспен 15 км қашықтықты бағындырды.Айбике ЖАНАСЫЛ