Полиция жедел іздестіру нәтижесінде, ірі көлемде ұрлық жасаған 28 жастағы такси жүргізушісін ұстады.
Нұр-Сұлтан қалалық Полиция департаментінің мәліметінше, полицияға шағымданған астаналық қыз ұрымен таксиде танысқанын айтқан. Жастар арасындағы таныстық соңы махаббатқа ұласқан.
Кездесуден соң жігіт қыздың пәтеріне барған. Сол кезде жалпы сомасы 1 млн. 879 мың теңге болатын iPone12, Samsung Galaxy A12 маркалы екі ұялы телефонды ұрлап кеткен.
Полицейлер күдіктінің үстінен қылмыстық іс қозғады.
Ұсталған ер адам кінәсін мойындап, ұрланған телефондарды иесіне қайтарды.
