Елімізде «Болашақ» бағдарламасымен оқуға ұсынылатын шетелдік жоғары оқу орындарының тізімі жарияланды.
Білім және ғылым министрі Асхат Аймағамбетовтің бұйрығына сәйкес, аталған тізімге 27 елдің 207 университеті енді.
Қазақстандықтар оқи алатын ЖОО-лар ішінде Джонс Хопкинс университеті, Ёнсе, Цюрих, Массачусетс технологиялық университеті, Йель, Кембридж, Оксфорд, Гарвард сынды аты әлемге әйгілі оқу орындары бар.
Халықаралық бағдарламаға ұсынылатын шетелдік оқу орындары мен ұйымдар 3 халықаралық академиялық рейтингке кіруі және кемінде 2 рейтингтің алғашқы 250-ші позициясында тұруға тиіс.
Толық тізіммен сілтеме арқылы өтіп танысуға болады.
Еске салсақ, өткен жылы аталған тізімге тек 138 жоғарғы оқу орны енді. Конкурсқа құжат 4 мамыр мен 28 қазан аралығында 73 мамандық бойынша қабылданады. Конкурс 1 маусым мен 30 қараша аралығында өтеді.
