Ұлттық Олимпиадалық комитет Асқар Молдағалидың Токио Олимпиадасында төрелік ететін қазылар тізіміне еніп, резервте тұрғанын хабарлады.
Тізімді Халықаралық каратэ федерациясы жариялаған. Әлемдік додада төрелік ететіндердің негізгі тізіміне 17 маман енген. Ал отандасымыз Асқар Молдағали резервте бірінші болып тұр. Халықаралық федерация қазақстандық қазының кандидатурасын резервке қойған. Олимпиада кезінде WKF реферилерінің бірі қатыса алмай қалған жағдайда Асқар Молдағали төрелік ету құқығына ие болады. Токио Олимпиадасында 5,6 және 7 тамыз күндері каратэшілер бақ сынайды. Қазақстан командасының еншісінде әзірге бір жолдама бар. Дархан Асаділов әлемдік рейтингте көш бастап, жолдаманы мерзімінен бұрын ұтып алды. Ал Олимпиада алдындағы соңғы лицензиялық турнир 11-13 маусым аралығында Париж қаласында өтеді.Айбике ЖАНАСЫЛ