Оралда екі автокөлік соқтығысып, үш адам зардап шекті, – деп хабарлайды Inform.kz.
БҚО Полиция департаменті баспасөз қызметінен түскен мәліметке қарағанда, оқиға бүгін сағат 15.40-та Н.Назарбаев даңғылы мен А.Карев көшесі қиылысында болды.
"Лада Ларгус" және "ВАЗ-2110" автокөліктері соқтығысқан. Жол апаты салдарынан үш адам зардап шекті.
Алдын ала мәлімет бойынша, 9 және 17 жастағы қыздар, сондай-ақ, 52 жастағы әйел жабық бас-ми жарақатын алып, миы шайқалған. Қыздардың екеуі де облыстық көпбейінді балалар ауруханасына, әйел облыстық көпбейінді ауруханаға жеткізілді.
