«Q-AVIA» ЖШС-на тиесілі тіркеу нөмірі UP-EC008 Eurocopter EC 130B4 тікұшағы жерге шұғыл қонды.
«Бүгін сағат 17:40-та Алматы облысында «Q-AVIA» ЖШС-ның тіркеу нөмірі UP-EC008 Eurocopter EC 130B4 тікұшағы шұғыл жерге қонды. Әуе кемесінің бортында экипаждың 1 мүшесі және 2 жолаушы болған, зардап шеккендер жоқ. Аталған факті бойынша комиссия құрылды. Индустрия және инфрақұрылымдық даму министрлігі Авиациялық оқиғалар мен оқыс оқиғаларды тексеру басқармасы тергеу жүргізеді» делінген министрліктің хабарламасында.
