Қызылордада 17 жастағы жасөспірім қыз төрт күннен бері табылмай жатыр, деп хабарлайды ҚазАқпарат тілшісі.
Полицияға 7 шілдеде таңғы сағат 09:00 шамасында Қызылорда қаласы Амангелді көшесінің тұрғыны Азалия Мингатаеваның жоғалғандығы туралы арыз түсті. Ол 2004 жылдың 4 мамырында дүниеге келген.
«Ата-анасының айтуынша, 17 жастағы жасөспірім 6 шілдеде күндізгі уақытта үйінен шығып кетіп, содан қайта оралмаған. Ерекше белгілері: бойы — 160-165 см., арық денелі, шашы қара түсті. Киген киімдері: қызыл түсті футболка мен белдемше, ақ кроссовка.
Жоғалған жасөспірім туралы қандай да бір ақпарат анықталған жағдайда Қызылорда облысы Полиция департаментіне, Қызылорда қалалық Полиция басқармасына шұғыл түрде хабарласуларыңызды сұраймыз. Байланыс нөмірлері: 8 (7242) 29-70-10, 29-75-20, 29-75-07 және 102 арнасы», — деп жазылған облыстық Полиция департаменті таратқан хабарламада.
Еске салсақ, Қызылордада 8 ай бұрын жоғалып кеткен әйелдің мәйіті табылды.
