ZOOM платформасы арқылы «Nur Otan» партиясы Шымкент қалалық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңестің отырысы өтті.
Жиынды аталған кеңестің төрағасы Тасқынбай Бүрлібаев жүргізді. Күн тәртібінде әл-Фараби ауданы әкімі аппаратының аудан көлемінде сыбайлас жемқорлықты болдырмау және алдын алу мақсатында атқарып жатқан жұмыстары мен «Nur Otan» партиясы әл-Фараби аудандық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңестің 2021 жылдың бірінші жартыжылдығында атқарған жұмысының есебі туралы екі мәселе қаралды. Отырысқа партияның аудандық және қалалық филиалдар жанындағы Сыбайлас жемқорлыққа қарсы іс-қимыл жөніндегі қоғамдық кеңестің төрағалары мен мүшелері, «Nur Otan» партиясы Шымкент қалалық филиал төрағасының бірінші орынбасары Жанар Бектаева, «Nur Otan» партиясының қалалық мәслихаттағы фракциясының жетекшісі әрі төрағаның орынбасары Бекайдар Төлегенов, «Nur Otan» партиясы әл-Фараби аудандық филиалының төрағасы Рашид Мыңбаев қатысты. Отырыс қорытындысы бойынша арнайы қаулы қабылданып, хаттама түзілді. Қаулыға отырыста көтерілген ұсыныстар енгізілді. Ұсыныстардың мерзімінде орындалуын бақылау үшін аталған қаулы әл-Фараби ауданының әкімі Рашид Мыңбаевқа жолданатын болады.Әбілмансұр ЖАСАН