СҚО орталығында бір апта ішінде балиғатқа толмаған балаларға жыныстық зорлық көрсеткен деген күдікпен 3 адам ұсталды. 4 тамыз күні түнгі 22.00 шамасында криминалды полиция қызметкерлері жас қыз балаға сексуалдық сипаттағы зорлық-зомбылық әрекеттерін жасады деген күдікпен облыс орталығының тұрғынын ұстады.
Ер адам қалалық Полиция басқармасының уақытша ұстау изоляторына қамалды. Аталған факті Қылмыстық кодекстің 121-бабының 4-бөлігі (Жас балаға қатысты жасалған сексуалдық сипаттағы зорлық-зомбылық әрекеттері) бойынша сотқа дейінгі тергеп-тексерулердің бірыңғай тізіліміне енгізілді. Бұған дейін осы апта ішінде Петропавл қаласында жас балаларға жасалған тағы екі қылмыс тіркелді. Екеуінде де күдіктілер ізі суымай ұсталды. Қазір істің барлық мән-жайын толық әрі жан-жақты, объективті зерделеуге бағытталған қажетті тергеу әрекеттері жүргізіліп жатыр. Нәтижесі бойынша процессуалдық шешім қабылданады. Бұл қылмыстардың тергелуі СҚО Полиция департаментінің және облыс прокуратурасы басшылығының ерекше бақылауында. Әр іс бойынша процессуалдық прокурор бекітілді. Өзге ақпарат сотқа дейінгі тергеп-тексеру деректерiн жария етуге жол бермеу мақсатында айтылмады.Ерік ЕРДЕНОВ