Халықаралық футбол қауымдастығы федерациясы (ФИФА) ұлттық құрамалардың жаңартылған рейтингін жариялады.
Аталған рейтингте 1 822 ұпаймен Бельгия құрамасы көш бастап тұр. Бразилиялықтар екінші орын алса, үздік үштікті Франция құрамасы түйіндеді. Ал Қазақстан құрамасы 1 144 ұпаймен 124-орынға тұрақтады. Мұның алдындағы рейтингте де құрамамызға осы орын берілген-ді. Айта кетерлігі, футболдан Ресей 41-орында, Өзбекстан құрамасы 83-орында, Қырғыз Республикасы 101-орында тұр. Тәжікстан футболшылары да бізден 8 орынға жоғары орналасқан. Еске салсақ, Талғат Байсуфинов жаттықтыратын ұлттық құрама 4 маусымда Солтүстік Македониядан 4:0 есебімен жеңіліп қалған еді.Айбике ЖАНАСЫЛ