Қазақстан волейбол федерациясы республикалық ірі жарыстардың тізімін жариялады.
Қазақстан кубогы мен суперкубок матчы қазан мен қараша айларына жоспарланған. Волейбол жанкүйерлері аталған күнді асыға күтіп жүр. Өйткені тартысты кездесулерді алаңнан тамашалауға мүмкіндік тууы мүмкін. Сондай-ақ әйелдер арасындағы кубоктың іріктеу кезеңі 1-8 қазан аралығында, ал ерлер арасында 10-17 қазан аралығында өтеді. Әйелдер командалары арасындағы кубок ойындарының финалдық кезеңі 20-28 қазан аралығында, ерлер арасында 6-14 қараша аралығында Өскеменде өтеді деп жоспарланған. Ал әйелдер арасындағы суперкубок Өскемен қаласында 28-30 қазан аралығында, ерлер арасында 14-16 қазан күндері өтеді деп белгіленген. Жарыстың барлығы санитарлық-эпидемиологиялық талаптарды қатаң сақтаумен ұйымдастырылады.Айбике ЖАНАСЫЛ