Синоптиктер 19 тамызға арналған ауа райы болжамын жариялады, деп хабарлайды «Қазгидромет» РМК.
«Қазақстан аумағының басым бөлігінде антициклон әсерінен жауын-шашынсыз ауа райы болады, тек республиканың оңтүстік-шығыс және солтүстік-шығыс таулы аудандарында атмосфералық фронталды бөліктердің өтуімен найзағай ойнап, жаңбыр жауады. Республика бойынша кей жерлерде желдің күшеюі, оңтүстікте шаңды дауыл, орталығында, шығысында және оңтүстігінде бұршақ жауады, солтүстікте және орталықта түнгі және таңғы сағаттарда тұман түседі», - делінген хабарламада.
Шығыс Қазақстан облысының солтүстік-шығысында найзағай ойнайды, бұршақ жауады, күндіз жел 15-20 м/с күшейеді.
Қарағанды облысының солтүстігінде, шығысында найзағай, бұршақ жауады, түнде және таңертең тұман түседі.
Күндіз Жамбыл облысының таулы аудандарында найзағай, бұршақ жауады, солтүстік-шығысында шаңды дауыл соғады, солтүстік-шығыста және оңтүстік-батысында жел 15-20 м/с күшейеді.
Түнде солтүстікте, күндіз Павлодар облысының шығысында найзағай ойнайды, жел 18 м/с күшейеді.
Күндіз Қызылорда облысының оңтүстігінде, оңтүстік-шығысында жел 15-20 м/с күшейеді, шаңды дауыл соғады.
Түркістан облысының таулы аймақтарында, күндіз Батыс Қазақстан облысының оңтүстік-батысында жел 15-20 м/с соғады.
Түнде және таңертең Солтүстік Қазақстан облысының солтүстігі мен шығысында тұман түседі.
Күндіз Атырау, Батыс Қазақстан облыстарында өте қатты ыстық сақталады, Ақтөбеде, Маңғыстау облыстарының оңтүстігінде, Қостанай облысында қатты ыстық сақталады.
Қызылорда, Түркістан, Маңғыстау, Атырау, Жамбыл, Ақтөбе, Батыс Қазақстан, Алматы облыстарының басым бөлігінде, Қарағанды облысының батысында, Қостанай облысының оңтүстігінде, Шығыс Қазақстан, Ақмола облыстарында төтенше өрт қаупі сақталады
