Тоқаев Өзбекстан өзбегі мен Ауғанстан өзбегін қалай ажыратуға болатынын айтты (видео)

Қазақстан Президенті Қасым-Жомарт Тоқаевқа Шығыс экономикалық форумында ауған босқындары туралы күтпеген сұрақ қойылды, — деп хабарлайды Sputnik Қазақстан.

"Өзбекстан өзбегі мен қауіп төндіруі мүмкін Ауғанстандағы өзбектерді ажырату мүмкін деп ойлайсыз ба? Ұжымдық қауіпсіздік келісімі мен Еуразиялық кеңестің миграциялық ағынды сүзгіден өткізетін нақты механизмі бар ма? Қазір миграциялық ағынның ықтималдығы жоғары", – деді форум модераторы. "Әрине, ажырату оңай. Қалай десек те, біз бәріміз Кеңестер Одағынан шықтық. КСРО-да тұрған адамдар мен қазір пост кеңестік аумақта тұрып жатқан азаматтарды ажырату оңай, меніңше", - деді Тоқаев.

Ол Сингапурде консулдық қызмет атқарғанда көптеген елдің делегациясын қарсы алуға тура келгенін айтты.

"Ол кезде "Аэрофлот" тек Сингапурге дейін ұшатын, ары қарай Австралияға, Филиппинге және басқа елдерге... кеңес елінің адамдарына ол жаққа жету үшін бірнеше рейске отыруға тура келді, маған сол делегацияларды қарсы алу керек болғанда, мен оларды оңай ажырататынмын. Бізді (Кеңестер Одағынан шыққандарды) барлық жерде таниды", - деді ол.

Ал миграциялық билікке, шекарашыларға келер болсақ, бұл олардың кәсіби міндеттері деп атап өтті Тоқаев. Залдың Президент сөзін қалай қабылдағанын видеодан көріңіздер.