ҰБТ дауынан кейін әзілкеш Тұрсынбек Қабатов қызын шетелге оқуға түсірген секілді. Әдемі Тұрсынбекқызы әлеуметтік желідегі парақшасында «менің университетім» деген жазба қалдырып, Дубайда жүрген видеосын жүктеді, — деп хабарлайды «Еуразия» арнасы.
Еске салайық, 15 тамызда Абзал Құспан есімді заңгер танымал әзілкеш Тұрсынбек Қабатовтың қызы Әдемі Аманғалидың орнына ҰБТ-да тест тапсыруға басқа адам кіргенін жазды. Оның айтуынша, 13 маусым күні Әдемі Тұрсынбекқызы Аманғалидің орнына тестілеуге ЕНУ-дың 2-курс студенті, грантта оқып жүрген Сымбат Қанай тест тапсыруға кірген. Тұрсынбектің қызы жалған құжат жасатқан.
Нұр-Сұлтан қаласының Полиция департаменті тергеу кезінде жалған жеке куәлік жасаған 22 жастағы күдікті ұсталғанын және бұл оқиғаға қатысты Қылмыстық кодекстің 385-бабы 1-бөлігі бойынша қылмыстық іс қозғалғанын мәлімдеді.
Кейінірек, Тұрсынбек Қабатовтың жұбайы - MM мектебінің директоры Мөлдір Мұқанова қызы Әдемі Аманғалиге тіл тигізгендердің бәрі заң алдында жауап беретінін айтты.
Тұрсынбек Қабатовтың қызы көпшілікке қайда оқуға түскенін көрсетті
