Қаржы мониторингі агенттігі Нұр-Сұлтанда «Антарес» қаржы пирамидасы барын анықтады. Жауаптылар қазір жәбірленушілерге келтірілген шығын сомасын есептеп жатыр.
«Қаржы пирамидасының ұйымдастырушылары жеке тұлғалардың ақшасын кәсіпкерлік қызметке тартқан. Бірақ шын мәнісінде қаржыны қайта бөлу жолымен табыс тауып, басқа салымшылардың жарнасы есебінен байып отырған», – деді ведомство өкілдері. Аталған факті бойынша сотқа дейінгі тергеу жүріп жатыр. Агенттік келтірілген шығын мен барлық жәбірленушіні анықтау үшін осы пирамидаға ақша салған азаматтардан Нұр-Сұлтан қаласы, Желтоқсан көшесі, 43, мекенжайы бойынша агенттіктің аумақтық департаментіне хабарласуды сұрайды. Елімізде қаржы пирамидаларының қызметін жүзеге асырғаны және жарнамалағаны үшін әкімшілік және қылмыстық жауапкершілік қарастырылған.А.ЖОЛДАС