«Nur Otan» партиясы Маңғыстау облыстық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңестің 2021 жылға арналған жұмыс жоспары бойынша отырыс өтті.
Күн тәртібінде екі мәселе қаралды. Оның бірі – 2019, 2020 және 2021 жылдың 8 айы бойынша тауарлар, жұмыстар мен қызметтер бойынша мемлекеттік сатып алуды жүзеге асыру кезінде сыбайлас жемқорлыққа қарсы іс-шаралардың тиімділігін арттыру. Ал екінші мәселе «Nur Otan» партиясы жанындағы сыбайлас жемқорлыққа қарсы іс-қимыл жөніндегі Республикалық қоғамдық кеңестің 26 тамыз 2021 жылғы №001-08 қаулысының 2.3-тармақшасына сәйкес сыбайлас жемқорлыққа қарсы іс-қимыл жөніндегі қоғамдық кеңестердің жұмысын күшейту және жандандыру тапсырмаларының орындалуы және кеңестер қаулыларының ұсынымдарының орындалуын талдауға арналды. Күн тәртібіндегі мәселе бойынша Маңғыстау облыстық Мемлекеттік сатып алу басқармасының басшысы Б.Жандаевтың баяндамасы тыңдалды. Ол «Nur Otan» партиясының сайлауалды бағдарламасын іске асыру үшін республикалық және облыстық деңгейде әзірленген Жол карталарында 2021 жылға көзделген іс-шараларды жүзеге асыру үшін, мектептердің физика, химия, биология кабинеттерін жабдықтау бойынша жалпы сомасы 357 млн теңге болатын 21 мектептің конкурсы өткізілгенін айтты. Олардың ішінде Маңғыстау облысының Мемлекеттік сатып алу басқармасы тарапынан жалпы сомасы 357 млн теңге болатын 30 конкурс өткізілген. Күн тәртібіндегі екінші мәселе де қаралып, талқыға салынды. Отырыс соңында сыбайлас жемқорлыққа қарсы іс-шаралардың тиімділігін арттыру мақсатында пікірлер мен ұсыныстар айтылды.Әбілмансұр ЖАСАН