Бұл туралы Мемлекет басшысы Twitter-дегі парақшасында жазды.
«Футзалдан Қазақстан ұлттық құрамасы алғаш рет әлем чемпионатының жартылай финалына шығып, керемет сенсация жасады. Құтты болсын! Алдағы ойындарына да сәттілік тілеймін!» – деп жазды Президент.
Бұған дейін ширек финалдағы қарсыласымыз - Иран құрамасы екенін жазған болатынбыз. Футзалдан Қазақстан ұлттық құрамасы Иран спортшыларын 3:2 есебімен жеңді. Жартылай финалда қазақстандықтар Португалия құрамасымен кездеседі. Екінші жұпта Бразилия мен Аргентина кім мықтыны анықтайды.
