Биыл ақын Жамбыл Жабаевтың туғанына 175 жыл толды. Монетаның аверсінде орталық бөлігінде Қазақстанның елтаңбасы бейнеленген. Елтаңбаның сол және оң жағында ұлттық ою-өрнек элементтері орналасқан.
Жиегінде айналдыра – QAZAQSTAN ULTTYQ BANKI • NATIONAL BANK OF KAZAKHSTAN деп жазылған.
Төменгі жағында монетаның номиналын білдіретін «100 TEŃGE» жазуы бар. Монетаның реверсінде Жамбыл Жабаевтың портреттік бейнесі, орталығында – «Артықша туған азамат» өлеңінің бірнеше жолы орналастырылған. Оң жағында ою-өрнек үзінділерінен жасалған домбыра контурының айшықты бейнесі мен мерейтой датасын білдіретін «175 JYL» жазуы орналасқан.
[caption id="attachment_163680" align="aligncenter" width="942"] Фото: nationalbank.kz[/caption]
Монетаны айналдыра JAMBYL және QAZAQ HALYQ AQYNY жазулары, ал төменгі жағында дайындалған жылын білдіретін «2021» жазуы бар. JAMBYL. 175 JYL коллекциялық монеталары МН 25 мельхиор қоспасынан, номиналы 100 теңгелік, массасы – 15 грамм, диаметрі – 33 мм., дайындау сапасы brilliant uncirculated, таралымы 15 000 дана болып дайындалды.
Монеталар коллекциялық құны бойынша сатуға арналған.
Монетаны Қазақстанда өз құнымен төлем жасауға, аударуға, ұсақтауға және айырбастауға болады.
Фото: nationalbank.kz[/caption]