Қазақстан Республикасы Тәуелсіздігінің 30 жылдығына орай Nur Otan партиясы Білім және ғылым министрлігі және «Qazaq Epos» қоғамдық қорымен бірлесе отырып, «Тұлпар мініп, ту алған!» байқауын жариялайды.
Естеріңізге сала кетейік, «Тұлпар мініп, ту алған!» Елбасы Н.Ә.Назарбаев «Болашаққа бағдар: рухани жаңғыру» мақаласында айтқан міндеттерді іске асыру аясында жарияланып отыр. 2018 жылдан бері байқауға 5 мың мектептен 50 мыңнан астам оқушы мен 25 мыңнан астам мұғалім «Алпамыс батыр», «Қобыланды батыр» дастандарын оқуға атсалысты.
Байқау 6-10-сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беріп, жырда кездесетін көнерген сөздердің мән-мағынасын түсіндіріп, қазақ әдебиеті пәнінің оқу бағдарламасы негізінде әзірленген сұрақтарға жауап беруі тиіс.
Байқау 2021 жылдың 25 қыркүйек – 5 қараша аралығында өтеді.
Жеңімпаз оқушылар ақшалай сыйлықтармен марапатталады.
Аудандық кезеңде:
1-орын – 150 мың теңге;
2-орын – 100 мың теңге;
3-орын – 50 мың теңге.
Қазіргі таңда байқау Ақтөбе, Павлодар, Қызылорда мен Жамбыл облыстарында жарияланған. Байқау туралы толық ақпаратпен www.qazaqepos.com сайтынан танысуға болады. Қосымша жаңалықтар мен мәліметтерді Nur Otan партиясы филиалдарының әлеуметтік желілердегі ресми парақшаларынан таба аласыздар.
Байқау 6-10-сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беріп, жырда кездесетін көнерген сөздердің мән-мағынасын түсіндіріп, қазақ әдебиеті пәнінің оқу бағдарламасы негізінде әзірленген сұрақтарға жауап беруі тиіс.