Ақтөбе облыстық Төтенше жағдайлар департаментінің мәліметінше, өрт сөндірушілер жер үйде шыққан өртті сөндіруге барған.
№5 қалалық өрт сөндіру бөлімінің қызметкері Наурызбай Халилаев: «Өртті сөндіріп жатып, күшікті таптық. Өртенген нысанда адам болған жоқ. Күшік түтінге тұншықпаған», – деді.
Ол күшікті дер кезінде құтқарып қалған. Төтенше жағдайлар департаментінің әлеуметтік желідегі парақшасында жарияланған фотоны көрген көпшілік өрт сөндірушіге алғыс айтты.
