Облыс аумағында 11-18 қазан аралығында тиісті қоғамдық тәртіпті сақтау, заңсыз көші-қон фактілерінің алдын алу, анықтау және жолын кесу, сондай-ақ шетелдіктер мен азаматтығы жоқ адамдардың Қазақстанда болу қағидаларын бұзу, сондай-ақ алимент төлемегені үшін жасырынып жүрген адамдарды және борышкерлерді іздестіруге бағытталған «Нелегал-Кордон» жедел-профилактикалық іс-шарасы өткізілді.
14 қазанда Семей қаласы полиция басқармасының Көші-қон қызметінің қызметкерлері үш жыл бойы іздеуде жүрген алимент төлемеген адамның тұрғылықты жерін анықтады.
– 33 жастағы борышкер Нұр-Сұлтаннан табылды. Осы уақыт ішінде анықталғандай, ол елордадағы заң өкілдерінен жасырынып жүрген. Ол 5 жылдан астам уақыт кәмелетке толмаған баласын асырауға ақша төлемеген, осы жылдар ішінде оған 3 миллион теңгеден астам қарыз жиналған. Енді қарызды өндіріп алумен сот орындаушылары айналысады, – деді ШҚО ПД Көші-қон қызметі басқармасының бастығы Ербол Бекпаев.
Бұл бір жағдай емес, жыл басынан бері облыста полиция қызметкерлері осындай 300-ден астам алимент төлеуден жалтарған азаматты анықтады.
