Нұр-Сұлтан қаласында жолаушылар автобусынан өрт шықты.Төтенше жағдайлар департаментінің мәліметінше, бүгін сағат 18:44-те Байқоңыр ауданы Кравцов көшесі, 9а мекенжайындағы «Целинный» мөлтекауданы аялдамасында автобус өртенді. «Ивеко» маркалы №28 қалалық маршруттың қозғалтқышынан өрт шыққан. Жолаушылар дереу автобустан түсіріліп, өрт сөндірілді. Зардап шеккендер жоқ.
Өртті сөндіруге ТЖД-нің 7 қызметкері және 1 техника жұмылдырылған.
