"29 қазанда атаулы әлеуметтік көмекке өтініш түсті. 2021 жылдың шілдесінде күйеуі Оразов Нұрсұлтан Бауыржанұлы TOYOTA CARINA 468AYZ13 автокөлігін сатты. Отбасына кіретін табыс жан басына шаққанда күнкөріс деңгейінің 70%-нен (25 731 теңге) асып кетуіне байланысты әлеуметтік көмек тағайындалған жоқ", – дейді басқарма басшысының орынбасары Жанат Өтебаева.Нұрсұлтан Оразовтың өзі жұмыссыз ретінде тіркеуге тұрмаған. Жұмыспен қамту орталығының көмегіне де жүгінбепті. Қазіргі кезде Алматы қаласының "Алтын Орда" сауда базарында жұмыс істейді. Ал 42 500 теңге көлеміндегі әлеуметтік төлемге өтініш Түркістан облысынан жіберілген. Марқұм Бақытгүл Қыдырбаева Өзбекстанның Шыршық ауданында туған. Шымкент қаласына қарасты Қаратау ауданындағы Нұрсат мөлтекауданында тұрған. Ал 2021 жылғы 6 тамыздан бастап Алматы қаласының Әуезов ауданындағы Жетісу-1 мөлтек ауданында уақытша тіркеуге тұрған. Бұған дейін 9-қабаттан 28 жастағы әйел 3 баласымен секіріп, көз жұмғанын жазған болатынбыз.
Алматыда 9-қабаттан 3 баласымен секіріп кеткен әйел қазанда АӘК сұраған
233
оқылды
оқылды