Қор мәліметі бойынша, қазіргі уақытта Египетте 4 мыңға жуық қазақстандық турист бар.
Олардың барлығы алдағы күндері Air Astana әуе компаниясының 23 репартация рейсімен Қазақстанға қайтарылады. Қазір Египетте жүрген азаматтарға еш алаңдауға себеп жоқ және олардан барлық санитарлық талаптарды сақтауды сұраймыз. Египеттегі жаңа жылдық турларды сатып алған туристер саяхаттайтын елді ауыстыра алады, сонымен бірге әуе қатынасы қалпына келгенге дейін қаражатты депозитке салып немесе қайтарып алуларына болады, – деді қордың баспасөз қызметі.
Билеттерді қайтару 3 ай бойы жүргізіледі.
Егер Египетке баратын билеттерді әуе компанияларының кассасынан немесе сайттардан сатып алған болса, жолаушыларға жұмсалған қаражат қайтарылады, – деп мәлімдеді Индустрия және инфрақұрылымдық даму министрлігі.
Ал егер билетті туроператорларынан немесе билет сату қызметін көрсететін басқа да сайттан сатып алған болса, онда билетті сатқан орынға жүгінуге тура келеді.
Қазақстан «Омикрон» штамының таралуына байланысты 3 желтоқсаннан бастап Египетпен әуе қатынасын тоқтатады.
