115 жылқы ұрлап, жасырынып жүрген павлодарлық Мәскеуде ұсталды, – деп хабарлайды Polisia.kz.
115 бас жылқы ұрлады деген күдікке ілінген Павлодар облысының 54 жастағы тұрғыны сот төрелігінен қашып, елден тыс жерге кеткен. Павлодарлық полиция қызметкерлері Ресей Федерациясы Мәскеу қаласының қылмыстық іздестіру бойынша әріптестерімен бірлескен жедел іс-шаралары нәтижесінде қашқынның жүрген жерін анықтады.
Ер адам Мәскеу метроларының бірінің станциясында ұсталды. Ол полициядан үш жыл бойы жасырынған.
Қазіргі уақытта бірқатар қажетті тексеру жүргізілуде, оның нәтижелері бойынша күдіктіні Қазақстан Республикасына экстрадициялау туралы мәселе шешілетін болады.
Жыл басынан бері Павлодар облысының жедел уәкілдерінің күшімен қылмыстық қудалау органдарынан жасырынған 96 қылмыстық қылмыскер ұсталды.
