Биыл Шымкентте 6 кітапхана жаңартылып, олардың үшеуі оқырмандардың қолдануына қайта берілді. Сондай-ақ, жыл соңына дейін тағы бір кітапхана қайта ашылады, - деп хабарлады Шымкент қаласы әкімдігінің баспасөз қызметі.
Солардың қатарында Шәмші Қалдаяқовтың 5 жыл тұрған үйінің бірінші қабатында кітапхана ашылды. Аталған кітапхананың интерьерінің тақырыбы музыкаға арналады.
Кітапхананың ашылу рәсіміне сазгердің қарындасы Райхан Қалдаяқова да қатысып, жиналған қауым гүл шоғын қойды.
